काठमाडौं – अख्तियार दुरुपयोग अनुसन्धान आयोगले गृह मन्त्रालयका सहसचिव तीर्थराज भट्टराईलाई छाडेको छ । बिहीबार बिहान आफैँ उपस्थित हुने शर्तमा उनलाई छाडिएको हो । उनको मोबाइल भने अख्तियारले आफ्नै नियन्त्रणमा राखेको बताइएको छ ।
भट्टराईलाई मंगलबार मात्रै त्रिभुवन अन्तर्राष्ट्रिय विमानस्थल अध्यागमन कार्यालयबाट गृह मन्त्रालय तानिएको थियो ।
भट्टराई तानिएपछि विमानस्थलको अध्यागमन कार्यालयको प्रमुख अध्यागमन अधिकृतमा पाँचथरका प्रमुख जिल्ला अधिकारी विष्णु प्रसाद कोइराला नियुक्त भइसकेका छन् ।
विमानस्थलमा अनधिकृत रुपमा उठाएको पैसालाई नै लिएर यसअघि नायब सुब्बाहरूबीच विवाद भएको थियो । त्यहीक्रममा एकजना कम्प्युटर अपरेटर झगडा झिकेका थिए । त्यसपछि ती नायब सुब्बा र कम्प्युटर अधिकृतको सरुवा भइसकेको छ।
