सिरहा । आज सिराहामा दिउँसो हरियारधानी समूहले ‘मनि ट्रान्सफर’को रकम लुटपाट गरेका छन्।
सदरमुकामबाट विष्णुपुर गाउँपालिकामा रहेको एक मनि ट्रान्सफरमा लागि पुरुषोतम यादवले १५ लाख ५० हजार लैजादै गर्दा हरियाधारीले उक्त रकम लुटेका हुन् ।
जिल्ला प्रहरी कार्यालयदेखि नजिकै महिसोथा जाने बाटोबाट लुटपाट गरिएको जिल्ला प्रहरी कार्यालय सिरहाले जनाएको छ ।
भारतीय नम्बर प्लेटको मोटरसाइकलमा आएका लुटेराहरुले स९प ६३१० नम्बरको मोटरसाइकलमा आउँदै गरेका यादवलाई रोकी लुटपाट गरेको प्रहरीको जनाएको छ । हरियारधारीहरुले यादवसँग भएका ग्लोबल आईएमई बैंकका दुई वटा र राष्ट्रिय वाणिज्य बैंकका तीन वटा खाली चेक तथा मोबाइल लुटेरको प्रहरीले जनाएको छ ।
सो रकम विष्णुपुर गाउँपालिका(१ का कुशेश्वर यादवले सञ्चालन गर्दै आएको मनी ट्रान्सफरको रहेको बताइएको छ । जिल्ला प्रहरी कार्यालय सिरहाका सूचना अधिकारी प्रहरी नायव उपरीक्षक मुक्तिनाथ सापकोटाले घटनाको पुष्टि गर्दै थप विवरण सङ्कलन भइरहको बताए।
