विराटनगर । मोरङको उर्लाबारी नगरपालिकाका मेयर गंगाप्रसाद खरेलमाथि सोमबार मुक्का प्रहार भएको छ । कार्यपालिका बैठकमा सहभागी भएर बाहिरिने क्रममा उनीमाथि मुक्का प्रहार भएको हो ।
प्रहरीका अनुसार उर्लाबारी नगरपालिका–७ का ४८ वर्षीय मिलन भण्डारीले नगर प्रमुख खरेलको अनुहारमा मुक्का प्रहार गरेका हुन् । उनलाई प्रहरीले पक्राउ गरेको छ ।
मेयरमाथि आक्रमण गर्नुपर्ने कारण खुलेको छैन । घटनाबारे अनुसन्धान भइरहेको प्रहरीले जनाएको छ । प्रहरीले भण्डारीविरुद्ध अभद्र व्यवहार मुद्दा चलाउने तयारी गरेको छ ।
