काठमाडौं – राष्ट्रिय स्वतन्त्र पार्टीका सभापति रवि लामिछानेलाई आइतबार अदालतमा उपस्थित गराउने तयारी गरिएको छ ।
शुक्रबार पक्राउ परेका लामिछानेलाई अहिले कास्की प्रहरीले पोखरा लगिरहेको छ । आज राति पोखरा पुर्याएर आइतबार कास्की जिल्ला अदालतमा उपस्थित गराउने प्रहरीको तयारी छ ।
सभापति लामिछानेलाई शुक्रबार पक्राउ गर्दा हवाई मार्ग मार्फत कास्की लग्ने प्रहरीले तयारी गरेको थियो। तर सभापति रवि र रास्वपाका केही नेताहरूले हवाई मार्ग नभएर सडकमार्ग मार्फत नै जाने भनेपछि प्रहरी सहमत भएको हो ।
शुक्रबार रासपा पार्टी कार्यालय चमतिमा १० जना सिआइबीको टोली लामिछानेलाई पक्राउ गर्न कार्यालय छिरेको थियो। त्यसपछि प्रक्रिया पुर्याएर सभापति लामिछानेलाई पक्राउ गरी कास्की लगिँदैछ ।
